حسین قریشوندی خیال

بازم پسین اوی هوا
سنگین و تار و ناکسه

بازم خیالت زی سرم
باز وه خیالت نیرسه

چَو وسته مِن مال خومون
غمِ تو کردم آس و پاس

مردم چه ایدونن که مو
هی میرم از دیری تیاس

نمنده دی هوشو هواس
دلم اشکند زیر پاس

یه زخم کهنه منده دی
بین خمو خوسو تیاس

دنیا مونه دادی وه باد
رَهدی نکردی زه مو یاد

خوش بویی هرجا با هونی
نیبو دلِ مو بی تو شاد

غم ویدو جونمه گرهد
کس نبینه حال مونه

ای تو که جات قلبه مونه
عاشق کشی کار تونه

نمنده دی هوشو هواس
دلم اشکند زیر پاس

یه زخمه کهنه منده دی
بین خمو خوسو تیاس